DOWNLOADSa ka dina ni rarawa me keitou kacivaka yani ni sa mai vakacegu o Peresitedi M. Russell Ballard, Peresitedi Vakatawa ni Kuaromu ni Apositolo Le Tinikarua ni Lotu i Jisu Karisito ni Yalododonu Edaidai. Ni oti ga vakalailai na nona tiko ivalenivula, e lesu kina nona vale ena vanua e qarava rawa kina na nona itavi ni bera ni mai vakacegu yanini oti na 11.15 ena bogi ni Sigatabu, ika 12 ni Noveba, 2023. Sa yabaki 95 o koya.
A kacivi o Peresitedi Ballard kina itutu vaka Apositolo ena ika 6 ni Okotova, 1985. E kacivaki me Peresitedi Vakatawa ni Kuaromu ni Apositolo Le Tinikarua ena ika 16 ni Janueri, 2018. Me vakataki ira na Apositolo ni Veiyalayalati Vou, oira na Apositolo nikua era kacivi mera dua na ivakadinadina i Jisu Karisito. Peresitedi Ballard e dua vei ira na 15 na turaga era raica na tubu kei na toso ni Lotu e vuravura, ka sivia e 17 na milioni na lewena.
“O Peresitedi Ballard e sega ni dau dredre nona vakatulewa,” e tukuna o Peresitedi Russell M. Nelson na Peresitedi ni Lotu. “E kila vinaka o koya na cava e vakatavulica na Turaga ka rawa vakacava me tiki ni bula ni dua na tamata ka me kauta mai na reki kei na marau.”
“Keirau daucakacaka vakaveivolekati sara, au dau taleitaka na nona bula mamarau,” e tukuna o Peresitedi Dallin H. Oaks na iMatai ni Daunivakasala ni Mataveiliutaki Taumada, e dau dabe tikivu Peresitedi Ballard ena Kuaromu ni Apositolo Le Tinikarua e sivia e 30 na yabaki. “E turaga meda vakanuinui kina. Ka turaga e nuitaki iko tale ga.”
Ratou bula tiko e 7 na luvei Peresitedi Ballard, 43 na makubuna 105 na makubuna vakarua ka dua na makubuna vakatolu.
Se bera ni vakadeitaki na itukutuku ni veibulu.