DOWNLOADUa matou faanoanoa lava e faasilasila atu le maliu o Peresitene M. Russell Ballard, Sui Peresitene o le Korama a Aposetolo e Toasefululua o Le Ekalesia e Iesu Keriso o le Au Paia o Aso e Gata Ai. I le mavae ai o se taimi puupuu talu ai nei na taofia ai i le maota gasegase, sa toefoi atu o ia i lona aiga lea sa ia auai ai i ona tiute e pei ona sa ia gafataulimaina a o le’i maliu o ia pe tusa o le 11:15 i le po o le Aso Sa, 12 o Novema, 2023, a o siosiomia ai e ē pele ia te ia. Ua 95 ona tausaga.
Sa avea Peresitene Ballard ma Aposetolo i le aso 6 Oketopa, 1985. Sa faalauiloa mai o ia o le Sui Peresitene o le Korama a Aposetolo e Toasefululua i le aso 16 Ianuari, 2018. E pei lava ona sa i ai i Aposetolo i taimi o le Feagaiga Fou, ua valaauina foi Aposetolo o aso nei e avea ma molimau faapitoa a Iesu Keriso. O Peresitene Ballard o se tasi o tamalii e 15 latou te vaavaaia le tuputupu ae ma le atiina ae o le Ekalesia i le lalolagi atoa, lea ua silia nei ma le 17 miliona lona faitau aofai.
“Sa le’i faalotolotolua lava Peresitene Ballard,” sa saunoa ai le Peresitene o le Ekalesia, Peresitene Russell M. Nelson. “Sa ia silafia lelei le mea na a’oa’o mai e le Alii ma le auala e mafai ona faaaoga ai i le soifuaga patino o se tasi ma aumaia ai le olioli ma le fiafia.”
“Sa ma galulue vavalalata faatasi, ma sa ou fiafia lava i ona uiga tausaafia,” sa saunoa ai Peresitene Dallin H. Oaks o le Au Peresitene Sili, o lē sa alala i autafa o Peresitene Ballard i le Korama a Aposetolo e Toasefululua mo le silia ma le tolusefulu tausaga. “O ia o se tamalii e faatuatuaina. Ma o ia o se tamalii na te faatuatuaina oe.”
O loo soifua mai alo e toafitu o Peresitene Ballard, fanau a fanau e 43, ma fanau a fanau a fanau e 105 ma le tamaitiiti e toatasi o le fanau a fanau a fanau a fanau.
O loo tālia faamatalaga mo sauniga o lona maliu.