![M. Russell Ballard with scriptures](/media/960x540/M-Russell-Ballard-with-book.png)
M. Russell Ballard with scriptures
© 2023 by Intellectual Reserve, Inc. All rights reserved.Jej burom̧ōj in kōjjeļā ke Būreejtōn M. Russell Ballard, Acting Būreejtōn eo an Doulul eo an Jon̄oulruo Rijilōk ro an Kabun̄ eo an Jisōs Kraist im Armej ro Rekwojarjar ilo Raan Ko Āliktata, em̧ōj an jako. Ālkin jidik iien an pād ilo aujpitōļ, ekar diwōj im etal n̄an m̧weo im̧ōn ijo ekar pād ilo juon an jerbal āinwōt an kar maron̄ m̧okta jān an jako ilo 11:15 p.m. ilo Jabōt, Nobōm̧ba 12, 2023, ro rejitōnbōro ippān rekar pād turin. Kar 95 an iiō.
Būreejtōn Ballard ekar erom̧ juon Rijilōk ilo Oktoba 6, 1985. Kar kūr e āinwōt juon Acting Būreejtōn an Doulul eo an Jon̄oulruo Rijilōk ro ilo Jānwōde 16, 2018. Āinwōt Rijilōk ro ilo tōre ko an Kallim̧ur Ekāāl, rijilōk ro rainin rej bar kūr āinwōt rikam̧ool ro rejeņoļo̧k an Jisōs Kraist. Būreejtōn Ballard ekar juon iaan em̧m̧aan ro 15 ro rej lale eddōkļo̧k im ļapļo̧k eo an Kabun̄ in ipeļaakin laļ in, eo me kiiō eļōn̄ļo̧k jān 17 milien member ro.
“Būreejtōn Ballard ekar jab pere ilo an kōm̧m̧an kāālet,” Būreejtōn eo an Kabun̄ in Russell M Nelson ekar ba. “Ekar lukkuun jeļā ta eo Irooj ekar katakin im wāween an jerbal n̄an mour an kajjojo armej im bōktok lan̄lōn̄ im m̧ōņōņō.”
“Kōm kar jerbal ippān doon, im aolep iien ij m̧ōņōņō kōn m̧wilin,” Būreejtōn Dallin H. Oaks jān Būreejtōnji eo Kein Kajuon ekar ba, eo ekar jijet turin Būreejtōn Ballard ilo Doulul eo an Jon̄oulruo Rijilōk ro elōn̄ļo̧k jān jilu decade ko. “Ekar juon em̧m̧aan eļap ļōke e. Im e ekar juon em̧m̧aan ekar lōke kom̧.”
Ewōr jimjuon nejin Būreejtōn Ballard ajri, 43 jibūn im 105 jibūn ro nejin, im juon jibūn juon iaan ro nejin.
Meļeļe ko ikkijeen ilomej ejjan̄in alikkar.